Израел: Хамас ги предаде останките на уште двајца израелски заложници

ИСТАНБУЛ (АА) – Хамас ги предаде на Црвениот крст останките на уште двајца израелски заложници според договорот за прекин на огнот, потврди израелската армија, пренесува Анадолу.

Во соопштението на израелската војска се наведува дека ковчезите се префрлени на Црвениот крст и се на пат кон израелските трупи во Појасот Газа.

Хамас претходно соопшти дека ќе ги предаде телата на двајца заробеници извлечени од под урнатините.

Предавањето се случи два дена откако Израел уби повеќе од 100 Палестинци во смртоносните воздушни напади низ Појасот Газа и покрај прекинот на огнот.