Израелска Армија: Уште 8 израелски војници загинаа во борбите во Газа

АНКАРА (АА) - Најмалку уште осум израелски војници загинаа во судирите во Појасот Газа вчера (сабота), соопшти денес израелската армија, пренесува Анадолу.

Во соопштението на израелската армија се вели дека постар наредник Надав Исахар Фархи (30) и постар наредник Елијаху Меир Охана (28) се меѓу четворицата убиени во централниот дел на Појасот Газа, додека други четворица се убиени на југот на енклавата.

Во меѓувреме, уште шест војници се тешко повредени, додава израелската армија.

Бројот на загинати израелски офицери и војници од почетокот на војната на 7 октомври се искачи на 484.

По нападот на палестинската група на отпорот Хамас, Израел започна жестоки напади врз Појасот Газа, во кои загинаа најмалку 20.258 Палестинци, главно жени и деца, а повредени се 53.688, според здравствените власти во енклавата.

Израелските напади ја оставија Газа во урнатини со половина од станбениот фонд оштетен или уништен, речиси 2 милиони луѓе се раселени во густо населената енклава, а постои и голем недостиг на храна и чиста вода.