ЛОНДОН (АА) - Илјадници пропалестински демонстранти вчера маршираа низ Лондон, Берлин и Париз, повикувајќи на прекин на огнот во Појасот Газа, кој се наоѓа под немилосрдни напади на израелската војска која неселективно бомбардира цивилни населби, станбени објекти, цркви, џамии и болници последните 4 недели, известува Анадолу.
Во Лондон голем број демонстранти се собраа на раскрсницата Оксфорд и на раскрсницата Пикадили, а потоа и на Плоштадот Трафалгар.
Демонстрантите носеа транспаренти „Слобода за Палестина“ и извикува слогани „прекин на огнот веднаш“.
Илјадници демонстранти маршираа вчера и по улиците на Париз, повикувајќи на прекин на огнот во Газа. Демонстрантите носеа транспаренти „Запрете го кругот на насилство“ и „Палестина, никогаш нема да бидеш сама“.
Голем број демонстранти се собраа и во Берлин, носејќи палестински знамиња и барајќи прекин на огнот во Газа.
