Emel Öz
18 Октомври 2021•Ажурирај: 19 Октомври 2021
ИСТАНБУЛ
Кинескиот министер за надворешни работи, Ванг Ји, истакна дека неговата земја во нејзината дипломатија на Блискиот Исток „секогаш дава приоритет“ на односите со Саудиска Арабија, пренесува Агенција Анадолија (АА).
Кинескиот министер за надворешни работи Ванг оствари телефонски разговор со министерот за надворешни работи на Саудиска Арабија, Фејсал бин Ферхан.
Според соопштението на кинеското Министерство за надворешни работи, Ванг изјавил дека неговата земја сака да стане долгорочен, сигурен и стабилен пријател и партнер на Саудиска Арабија.
Ванг во разговорот со министерот за надворешни работи на Саудиска Арабија, Фејсал бин Ферхан, истакнал дека односите меѓу двете земји се развиваат стабилно и дека Пекинг сака „да ги унапреди билатералните односи“.
Подвлекувајќи дека Кина го цени ставот Саудиска Арабија да биде покрај неговата земја во однос на фундаменталните интереси на Кина, Ванг рече: „Кина ќе ја поддржи Саудиска Арабија во одржувањето на нејзиниот национален суверенитет, безбедност и стабилност и дефинитивно ќе се спротивстави на секое мешање во внатрешните работи на Саудиска Арабија.“
Ванг, исто така, изјави дека неговата земја „секогаш ќе дава приоритет“ на односите со Саудиска Арабија во нејзината дипломатија на Блискиот Исток.
Министерот за надворешни работи на Саудиска Арабија, Фејсал бин Ферхан, исто така, изјави дека тие ја гледаат Кина како сигурен стратешки партнер.
Наведувајќи дека Саудиска Арабија апсолутно се противи на секое мешање во внатрешните работи на Кина, Ферхан рече дека Ријад придава значење на улогата на Кина во однос на иранското нуклеарно прашање.
- Министрите за надворешни работи на Иран и Кина разговараа за нуклеарниот договор
Шефот на иранската дипломатија, Хусеин Емир Абдулајан, и кинескиот министер за надворешни работи, Ванг Ји, во телефонскиот разговор на 16 октомври се осврнаа на нуклеарниот договор.
Министерот Ванг, истакнувајќи дека сите страни треба да се вратат на нуклеарниот договор, рече дека ги поздравуваат преговорите меѓу Иран и Европската Унија (ЕУ).
