Merve Yıldızalp
26 Март 2023•Ажурирај: 28 Март 2023
АНКАРА (АА) - Претседателот на Управата за верски работи на Република Туркије (Дијанет), Али Ербаш, по најновите напади на Куранот во Данска, ги повика луѓето во таа нордиска земја да ја прочитаат муслиманската света книга, известува Анадолу.
„О Данци, многу луѓе се оддалечија од злото и станаа добри благодарение токму на Куранот. Турското знаме исто така е во бојата на крвта токму поради луѓето кои ги дадоа своите животи токму поради неа. Дојдете, испратете им најголем одговор на лошите меѓу вас читајќи го Куранот и почитувајќи го знамето на Туркије“, објави Ербаш на социјалните мрежи.
Министерството за одбрана на Туркије остро го осуди „подлиот, варварски и одвратен напад во Данска“, насочен кон светата муслиманска книга Куран и кон турското знаме.
Во соопштението се истакнува дека овој погрешен став на Данска, која е и сојузник во НАТО, е спротивен на духот на сојузништво и универзални вредности.
Во продолжение се додава дека Данска требало веднаш да ги пронајде одговорните за стореното дело, како што се наведува, злосторство од омраза.
Во Данска во петокот пред зградата на турската Амбасада во Копенхаген цел на напад беа знамето на Туркије и Куранот.
Провокацијата што ја организираше групата под име „Patrioterne Gar Live“ (Патриоти во живо) пренесувана е во живо на фејсбук-профилот на групата.
Провокаторите развија антиисламски транспаренти, скандираа слогани со навреди против исламот и изведоа подол напад на турското знаме.
На провокацијата на оваа маргинална група, лице од Муслиманската заедница во Данска преку звучници објави делови од Куранот и нивен превод на дански.
Во текот на провокацијата немаше насилство, а данската власт однапред ја извести Амбасадата на Туркије во Копенхаген и презеде безбедносни мерки на таа локација.
