Макрон и Бајден разговараа за ситуацијата во Авганистан

ПАРИЗ

Францускиот претседател Емануел Макрон разговараше со американскиот колега Џо Бајден за ситуацијата во Авганистан, јавува Агенција Анадолија (АА).

Од Елисејската палата е наведено дека во телефонскиот разговор меѓу Макрон и Бајден се зборувало за ситуацијата откако талибанците ја презеле контролата во Авганистан.

Се додава дека Макрон ја нагласил апсолутната потреба за брза и конкретна координација.

„Претседателот на својот колега му ја истакна нашата заедничка одговорност кон Авганистанците кои ги делат нашите вредности и имаат потреба од заштита и дека не можеме да ги оставиме“, се вели во соопштението.​​​​​​​

Двајцата лидери се согласија да ги зајакнат заедничките акции на хуманитарно и политичко поле, но и во борбата против тероризмот, особено во рамките на Г7.