МИТ во Гара го неутрализира терористот Јигит, еден од т.н. одговорни лица во терористичката организација ПКК/КЏК

АНКАРА (АА) - Националната разузнавачка агенција (МИТ) на Туркије во операција спроведена во Регионот Гара во Ирак го неутрализираше терористот Халил Јигит, еден од т.н. водачи на терористичката организација ПКК/КЏК, известува Анадолу.

Според информациите добиени од безбедносни извори, МИТ, како резултат на разузнавачките студии, утврдила дека терористот Јигит, со кодно име Хогир Пироси, еден од т.н. одговорни во терористичката организација ПКК/КЏК за Регионот Гара, по инструкции на високи раководители на организацијата спроведувал акции против турските безбедносни сили во Гара.

По утврдувањето на локацијата терористот Јигит е неутрализиран во операција организирана од МИТ.

Јигит, кој ги започна своите организациски активности во селата на Ширнак во 2007 година, учествувал во терористичките акции со оружје и рачно изработени експлозиви во подрачјето Силопи, во Областа Ширнак.

Јигит, кој организирал акции против турските безбедносни сили во инцидентот Ровови - барикади, во 2018 година дејствувал во рамките на терористичката организација ЈПГ во Сирија. Последни акции на терористот Јигит беа организациски активности во Областа Гара во Ирак.