Млада Палестинка држи часови во шатор на децата лишени од образование во Кан Јунис

КАН ЈУНИС (АА) – Во разурнатиот Кан Јунис, во Газа, каде што израелските напади продолжуваат да го прекинуваат секојдневието, многу деца се лишени од основното право на образование, при што една млада Палестинка доброволно предава за учениците во шатор, јавува Анадолу.

Младата Лубна Мохамед Абед, дипломирана на Исламскиот универзитет во Газа, започна иницијатива за образование на децата кои се лишени од можноста да посетуваат училиште.

Таа предава во скромен шатор, на кој се насликани колоритни цртежи, а кој служи како привремено училиште за палестинските деца.

Палестинскиот народ и понатаму се соочува со големи предизвици, но ваквите иницијативи се потсетник за моќта на отпорот и солидарноста во зачувувањето на идните генерации.

Во бруталната израелска војна во Појасот Газа од 7 октомври 2023 година се убиени речиси 45.100 Палестинци, главно жени и деца.