На лемурите на Мадагаскар им се заканува изумирање

МАДАГАСКАР (АА) - Речиси на сите видови лемур на Мадагаскар им се заканува изумирање, јавува Anadolu Agency (AA).

Мадагаскар е една од најсиромашните земји на светот и нема пари за адекватна заштита на шумите во кои живеат лемурите. Експертите предвидуваат дека во наредните години можно е да дојде до нивно исчезнување.

Расел Митермеиер од „World Coservation Union“ изјави дека истражувањата покажуваат дека лемурите се соочуваат со опасноста од изумирање. Од 111 видови лемур, 105 се соочуваат со изумирање.

Д-р Кристоф Швитцер од Меѓународната унија за зачувување на природата смета дека илегалните ловци имаат големо влијание врз намалувањето на бројката на овие животни.

Тој тврди дека е важно да се заштити овој животински вид.

Лемурите се припадници на биолошкиот Lemuriformes, примат кој е ендемичен вид на Мадагаскар и во источната супсахарска Африка. Зборот лемур доаѓа од латинскиот збор „lemures“, што во римската религија значи „зли демони“, несмирени покојници кои ги плашат луѓето и им го заматуваат умот.

Ова име се однесува на нивните големи, рефлектирачки очи и криковите што ги испуштаат оделни видови.