Најмалку четворица мигранти загинаа во бродолом кај грчкиот остров Лезбос

АТИНА (АА) - Најмалку четворица мигранти загинаа во бродолом кај грчкиот остров Лезбос во северниот дел на Егејското Море, објави денес јавниот радиодифузен сервис ЕРТ, јавува Анадолу.

Во тек е потрага по евентуално исчезнати лица по спасувањето на седуммина мигранти во морската област југозападно од ’ртот Агрилија и пронаоѓањето на телата на четворица мигранти.

Преживеаните се Суданци, соопшти телевизијата, додавајќи дека не е познато колку луѓе имало на бродот.

Пребарувањето, поддржано од хеликоптер и копнени единици, е отежнато од силните ветрови што дуваат во областа.