Ekrem Biçeroğlu,Omar Alothmani
27 Декември 2022•Ажурирај: 30 Декември 2022
ДУБАИ (АА) - Министерот за надворешни работи на Обединетите Арапски Емирати (ОАЕ), Абдула бин Зајед ал-Нахјан, разговараше со вицепремиерката и министерка за надворешни работи на Косово, Доника Гервала Шварц, за начините за зајакнување на билатералните односи, пренесува Агенција Анадолија (АА).
Според официјалната новинска агенција на ОАЕ, ВАМ, Бин Зајед и Шварц се сретнале во ОАЕ.
На средбата се разговараше за начините за зајакнување и развој на односите меѓу двете земји на различни полиња и беа разменети мислења за повеќе регионални и меѓународни прашања од заедничко значење.
На оваа средба, Бин Зајед истакна дека ОАЕ и Косово имаат развиено билатерални односи и дека двете земји сакаат да ја зголемат соработката на сите полиња.
Бин Зајед ја подвлече важноста од промовирање заеднички дијалог во интерес на граѓаните на двете земји.
Вицепремиерката на Косово и министерка за надворешни работи, Гервала-Шварц, исто така нагласи дека нејзината земја сака да ја зголеми соработката со Обединетите Арапски Емирати, кои бележат напредок во многу области.
