ОИС го осуди планот на Израел за изградба на нови станбени единици во нелегалните населби

ЏЕДА (АА) - Организацијата за исламска соработка (ОИС) го осуди одобрувањето на Израел за изградба на нови станбени единици во Источен Ерусалим (Кудс) и на Западниот Брег, јавува Anadolu Agency (AA).

„Одобрувањето на Израел за изградба на населбите со кое се опфатени илјадници станбени единици е нелегитимно и е јасно кршење на меѓународното право“, се наведува во соопштението.

До Советот за безбедност на Обединетите нации (ОН) и другите меѓународни институции е упатен повик да се исполнат сите обврски и да го спречат Израел во изградба на населбите.

Израел неодамна донесе одлука за проширување на еврејските населби на Западниот Брег и изградба на нови станбени објекти на неколку локации во Ерусалим, вклучувајќи го и Источен Ерусалим (Кудс).

На Западниот Брег, кој од 1967 година се наоѓа под израелска окупација, се изградени 131 еврејска населба, во Источен Ерусалим десет и на височините на Западниот Брег 116 населби.

Во еврејските населби на Западниот Брег се наоѓаат околу 500.000 доселеници, а во Источен Ерусалим 220.000. Одредени извори тврдат дека Израел има намера за кратко време да го зголеми бројот на доселеници на Западниот Брег на милион.