Околу 50 Палестинци загинаа во израелскиот напад во населбата Сабра во Појасот Газа

ИСТАНБУЛ (АА) - Околу 50 лица загинаа, а десетици се повредени во нападите што израелските воени авиони ги извршија во населбата Сабра во центарот на Појасот Газа, пренесува Анадолу.

Според веста на палестинската официјална новинска агенција ВАФА, израелските воени авиони извршиле интензивни напади во населбата Сабра.

Се истакнува дека израелските воени авиони погодиле и џамија во оваа населба.

Според соопштеното, како резултат на израелските напади загинале околу 50 Палестинци, додека десетици се повредени.

Од друга страна, три лица загинаа, а десетици се повредени откако израелските воени авиони го погодија малезиското училиште во бегалскиот камп во Нусајрат.

Израелските воени авиони, исто така, ги погодија палестинските комуникациски кули во градот Хан Јунус во јужниот дел на Појасот Газа, при што загина едно дете, додека бројни лица се повредени.

Меѓу другото, израелската војска погоди и бензиска пумпа во која биле засолнети Палестинци раселени во централните делови на Газа, при што загинаа 9 Палестинци, а повредени се десетици лица.