ОН: Бројот на раселени лица во Украина и во другите зони на конфликти надмина 100 милиони

ЖЕНЕВА (АА) - Обединетите нации (ОН) соопштија дека бројот на раселени лица поради украинско-руската војна, како и поради другите конфликти и внатрешни немири во други земји, за прв пат надмина 100 милиони, пренесува Агенција Анадолија (АА).

Филипо Гранди, високиот комесар за бегалци при Обединетите нации (ОН), преку писмено соопштение истакна дека кон крајот на 2021 година, бројот на присилно раселени лица во светот се искачил на 90 милиони.

Според него, оваа бројка е зголемена по судирите што се случија во последните месеци во Етиопија, Буркина Фасо, Мјанмар, Нигерија, Авганистан, Демократската Република Конго и Украина.

Тој нагласи дека заклучно со денес, бројот на присилно раселени лица надминал 100 милиони.

„100 милиони е исклучително висока и загрижувачка бројка. Претходно не беше надмината оваа бројка“, додаде тој.

Гранди рече дека растот во бројот на раселени лица треба да биде апел за будење на светот.