Осум лица загинаа, а 15 се повредени во пожар на пазар во Кина

ПЕКИНГ (АА) - Најмалку осум лица загинаа, а 15 се повредени во пожар на пазар во северна Кина денес, објавија државните медиуми, известува Анадолу.

„Пожарот на пазарот Лигуанг во градот Жанѓијаку избувна денес напладне и во голема мера е изгаснат“, објави новинската агенција Синхуа, цитирајќи владин претставник во областа Киаокси, каде што се наоѓа пазарот за храна.

Полицијата ги истражува причините за пожарот.

Овие традиционални пазари често се преполни со купувачи кои бараат цени кои се попогодни од оние во супермаркетите.