Палестинците во Газа во редици чекаат за оброк

ГАЗА (АА) - Бројни Палестинци, меѓу кои и голем број деца, се борат со гладта поради ембаргото што Израел го воведе во Појасот Газа и секојдневно стојат во ред за храна што ја дистрибуираат хуманитарните организации, известува Анадолу.

Додека израелските напади врз Појасот Газа продолжуваат со несмалено темпо, во Хан Јунис, град во јужниот дел на Појасот Газа, луѓето секој ден чекаат да го добијат оброкот што за нив значи живот.

Често се случува луѓето кои живеат во очајни и нехумани услови да се туркаат во редови за да дојдат до храна.

Генералниот секретар на Обединетите нации (ОН) Антонио Гутереш предупреди на неподносливата глад што им се заканува на луѓето во палестинската енклава.

„Масовното раселување и ограничената испорака на хуманитарна помош значат дека луѓето во Газа се соочуваат со катастрофално ниво на глад“, рече Гутереш.

Јужноафриканската Република го обвини Израел дека ја користи гладта ​​како оружје на војната, со цел депопулација на Појасот Газа преку масовни убиства и принудно раселување.