Пентагон за воздушниот напад на САД на границата Ирак - Сирија

ЊУЈОРК (АА) - Американските воени сили по наредба на претседателот Џо Бајден извршиле воздушни напади врз објектите што ги користеле милициските групи поддржани од Иран во пограничниот регион Ирак - Сирија, пренесува Агенција Анадолија (АА).

Во писмената изјава од Пентагон, во врска со нападот што се случи на полноќ, се наведува:

„Цел беа објектите на милициите поддржани од Иран во пограничниот регион Ирак - Сирија, кои извршија напади со беспилотно летало (ИХА) врз персоналот на САД.“

Во изјавата се нагласува дека нападот е извршен за да се заштити персоналот на САД и се додава: „Со вечерашните воздушни напади се потврдува дека претседателот Бајден јасно стави до знаење дека секогаш ќе презема мерки за заштита на американскиот персонал.“

Истакнато е дека нападите биле насочени врз оперативните бази и просториите за складирање оружје на иранските сили што се наоѓаат во Сирија и во Ирак.

Меѓу другото, се потсетува дека американските сили се наоѓаат во регионот на покана од ирачката Влада да помогнат во борбата против ДЕАШ и дека воздушниот напад е извршен за да се испрати јасна порака за нападите извршени против нив.