Поделена им е храна на Палестинците кои се борат со гладот во Газа

СКОПЈЕ (АА) - Хуманитарна организација им подели храна на Палестинците кои се борат да дојдат до неа бидејќи речиси ја нема поради израелската блокада на Појасот Газа и тековните напади, известува Анадолу.

Храната беше поделена во градот Газа и беше пречекана од голем број Палестинци од сите возрасти.

Рос Смит, директор на Светската програма за храна (СПХ) за подготвеност и одговор за итни случаи, за ситуацијата во Газа претходно објави:

„Кризата со глад во Газа достигна нови и зачудувачки нивоа на очај, при што третина од населението не јаде повеќе денови по ред“.

Од 2 март Израел ги затвори сите премини во Газа, при што е блокирано доставувањето храна, медицинска и хуманитарна помош.

Министерството за здравство на Газа во неделата соопшти дека од октомври 2023 година, кога Израел ја засили блокадата и го ограничи пристапот до хуманитарна помош, 86 Палестинци починале од глад и неисхранетост, меѓу кои 76 деца.