Полска ја зајакнува безбедноста на границите со Русија и Белорусија

ВАРШАВА (АА) - Полскиот премиер Доналд Туск најави дека Владата ќе инвестира 2,3 милијарди евра за да ја зголеми безбедноста на границата што неговата земја ја дели со Русија и Белорусија, известува Анадолу.

Во својот говор на комеморацијата одржана по повод 80-годишнината од битката кај Монте Касино во Краков, во јужниот дел на Полска, Туск рече дека започнале активности за проектот „Штит-Исток“, чија цел е зајакнување на воените контролни пунктови долж границата на Полска со Русија и Белорусија.

Полскиот премиер рече дека неговата земја е одговорна за безбедноста на источните граници на Европската унија (ЕУ) и нагласи дека ќе инвестира 2,3 милијарди евра за да ја зголеми безбедноста на тоа поле.

Претходната влада изгради ѕид на границата со Белорусија, кој чинеше околу 368 милиони евра, за да го запре протокот на илегални имигранти.

Премиерот Туск ја обвини Белорусија дека ја интензивира хибридната војна со Западот, охрабрувајќи ги илегалните имигранти да преминат во ЕУ преку Полска.