Поплави во Франција: Водата однесе мост, евакуирано населението

ПАРИЗ (АА) - Во францускиот департман Изер се случија поплави како резултат на обилните врнежи од дожд, што доведе до евакуација на граѓаните во подрачјето, јавува Анадолу.

Според извештаите на француските медиуми, невремето го погодило селото Ла Берарде во текот на ноќта.

Надојдените води го однесоа мостот во селото. Поради лошите временски услови, патиштата што водат до подрачјето се затворени.

Околу 97 луѓе кои живеат во селото се евакуирани со хеликоптери во безбедни подрачја.

Во департманот Изер на сила е портокалово предупредување поради невремето, поплавите и силниот дожд.