Потсекретарот на ОН: „Газа е на колена, на луѓето им се одзема достоинството“

ЊУЈОРК (АА) - Потсекретарот на ОН задолжен за хуманитарни прашања, Мартин Грифитс, кој воедно е координатор на ОН за итна помош, по израелскиот напад врз баптистичката болница и врз училиште во Газа, рече: „Стотици луѓе се убиени. Газа е на колена. Системите за здравство, вода и хигиена се во пропаст. На луѓето им се одзема достоинството“, пренесува Анадолу.

Грифитс на социјалната платформа X реагираше за денешните напади врз училиште и болница во Газа.

„Стотици луѓе се убиени. Газа е на колена. Системите за здравство, вода и хигиена се во пропаст. На луѓето им се одзема достоинството“, рече тој.

Инаку, над 500 луѓе беа убиени во израелски воздушен напад врз баптистичката болница Ал-Ахли во Газа, изјави за Анадолу портпаролот на Министерството за здравство, Ашраф ал-Кудра.

На снимките се гледаат трупови расфрлани низ болницата.

Според репортерот на Анадолу, илјадници Палестинци биле во болницата кога зградата била бомбардирана.