Почести доделени на пилотот кој се спротивстави на наредбата на режимот Баас да бомбардира цивили

ИСТАНБУЛ (АА) - Почесен подарок му беше врачен на сирискиот пилот Рагид Татари, кој беше во затвор 43 години поради спротивставување на наредбата на режимот Баас да бомбардира цивили во Хама во 1982 година, а беше ослободен по падот на режимот на Асад во Хама, известува Анадолу.

Сириските активисти споделија слики од имамот на џамијата во Хама како му подарува меч изгравиран со злато на сирискиот пилот Татари во име на жителите на градот по петочната молитва во џамијата.

Имамот на џамијата, шеикот Муаз Рејдан, рече дека подарокот што му го подарил на Татари е симболичен затоа што поминал повеќе од половина од својот живот во затворите на режимот.

Татари на 27 годишна возраст беше затворен и мина 43 години поради пркосење на наредбите за бомбардирање цивили во градот Хама во времето на владеењето на Хафиз ел Асад.

Сирискиот пилот беше ослободен по падот на режимот Баас.