Путин и Меркел разговараа за ситуацијата во Идлиб

МОСКВА (АА) - Рускиот претседател Владимир Путин и германската канцеларка Ангела Меркел во телефонски разговор се осврнаа на развојот на настаните во Идлиб и на Самитот меѓу Турција и Русија, пренесува Агенција Анадолија (АА).

Од Кремљ соопштија дека Путин и Меркел реализирале телефонски разговор.

„Двајцата лидери детално разговараа за развојот на настаните во Сирија“, се истакнува во соопштението и се додава: „На средбата се разговараше за растечките тензии во деескалациската зона во Идлиб, и во тој контекст е изразена желба Самитот меѓу Турција и Русија што ќе се одржи на 5 март да донесе плодни резултати.“

Исто така, во соопштението се истакнува дека во телефонскиот разговор биле разменети мислења за состојбата во Либија и е потенцирана важноста за спроведување на одлуките донесени на Конференцијата за Либија во Берлин.