Путин: Прекин на огнот во Украина е можен доколку Киев им дозволи на своите граѓани во Русија да гласаат на избори

МОСКВА (АА) - Рускиот претседател Владимир Путин денес изјави дека е подготвен да размисли за запирање на нападите длабоко во Украина на денот на изборите, доколку тие се одржат, јавува Анадолу.

Говорејќи на специјална прес-конференција на крајот од годината во Москва, Путин го услови прекинот на огнот со учество на украинските граѓани кои живеат во Русија на изборите.

„Подготвени сме да разгледаме осигурување на безбедноста за време на изборите во Украина. Најмалку, да престанеме, да се воздржиме од напади длабоко во територијата на денот на гласањето“, рече тој.

Потоа додаде дека според различни проценки на територијата на Русија има околу 5 до 10 милиони украински граѓани, кои имаат право на глас.

„И ако треба да се одржат избори, тогаш имаме право да бараме од оние што ќе ги организираат Украинците што моментално живеат во Русија да добијат право на глас на територијата на Руската Федерација“, нагласи тој.