Русија тврди дека зазела населба во украинскиот регион Днепар

ИСТАНБУЛ (АА) – Руското Министерство за одбрана денес соопшти дека руските сили ја зазеле населбата Хороше во украинскиот регион Днепар и извести за понатамошен напредок на фронтовите во Доњецк, Запорожје и Херсон, известува Анадолу.

Според министерството, единиците од Источната група започнале операции што довеле до заземање на Хороше, заедно со нападите врз украинските бригади во блиските подрачја.

Во соопштението се наведува дека Централната група ја пробила украинската одбрана во близина на Рубижне, Веселе, Новониколаевка, Артемивка, Красноармејск, Владимировка и Кутузовка во Доњецк, уништувајќи тенкови, артилерија и опрема за електронско војување, соопшти Москва.

На југ, руската Днепарска група ги нападна украинските позиции во Отрадокаменка, Тјахинка и Антоновка, пријавувајќи загуби на украински персонал, возила и електронски системи. Москва, исто така, објави дека авијацијата, ракетните сили и беспилотните летала ги гаѓале воено-индустриските објекти, магацините на беспилотни летала, аеродромите, радарските станици и базите на странските платеници на 149 локации.

Туското министерство објави дека системите за воздушна одбрана пресретнале три наведувани воздушни ракети, три американски ракети HIMARS и повеќе од 200 беспилотни летала.

Украина сè уште не ги потврди руските тврдења, а независна верификација на терен не е достапна.

Претходно денес, украинското Министерство за одбрана соопшти дека Русија лансирала рекордни 818 беспилотни летала и ракети во текот на ноќта, надминувајќи го претходниот рекорд од 728 во јули.

Москва редовно објавува напредок на фронтот од почетокот на војната против Украина во февруари 2022 година, додека Киев често ги оспорува или не дава непосреден одговор.