Русија уапси германски државјанин под обвинение за обид за терористички напад

МОСКВА (АА) - Руската разузнавачка служба уапси германски државјанин кој наводно имал експлозив за да изврши терористички напад на енергетски објект во Калининград, крајбрежен град покрај Балтичкото Море, јавува Анадолу.

Руската Федерална служба за безбедност (ФСБ) денес соопшти дека германскиот државјанин со украинско име, Николај Гајдук (57), кој пристигнал во Русија од Полска, е осомничен дека извршил друго кривично дело - организирање експлозија во електрана во рускиот град Калининград во март 2024 година.

„Гајдук е приведен при влегувањето на територијата на Калининградската Област од Република Полска поради организирање акти на саботажа на енергетски објекти. Во неговиот форд фокус со германски регистарски број HC 5305 се запленети 0,5 литри течен експлозив“, соопшти ФСБ.

Според истражителите, Гајдук во Русија бил испратен од украинскиот државјанин Александар Анатолиевич Жоров, роден 1967 година, кој живее во Хамбург и има германска дозвола за престој.

ФСБ соопшти дека спроведува истрага за да утврди дали други луѓе биле вклучени во планирањето на нападот.