Рускиот опозиционер Алексеј Навални осуден на 30 дена затвор

МОСКВА (АА) - Рускиот опозициски лидер и основач на Фондот за борба против корупција, Алексеј Навални, е осуден на 30 дена затвор поради кршење на правилата за организација на протестите, јавува Anadolu Agency (AA).

Пред Окружниот суд во Симоновски во Москва, Навални е прогласен за виновен за „кршење на правилата на протестите“.

Поради повторување на сличен прекршок, судот одлучи Навални да биде задржан во затвор 30 дена. Уапсен е во утринските часови додека бил на трчање.