САД ги демантираше тврдењата за воздушни напади на Ирак

ВАШИНГТОН (АА) - Централната команда на САД (ЦЕНТКОМ) вчера ги демантираа вестите дека Вашингтон извел воздушни напади на Ирак, пренесува Анадолу.

„Свесни сме за вестите во кои се тврди дека САД денес извршиле воздушни напади на Ирак. Тие вести не се точни. САД денес не изведоа воздушни напади на Ирак“, објави ЦЕНТКОМ на социјалната мрежа Х.

Според вестите што ги објавија медиумите, воздушниот напад за цел го имал штабот на милициите „Хашди ал Шаби“ во ирачката провинција Бабил утринава.

Канцеларијата за односи со медиумите на „Хашди ал Шаби“ ја објави таа информација на социјалната мрежа Фејсбук.

„САД извршија непријателски воздушен напад на дирекцијата на Калкан, Сераја ал Џихад и Нухба во воената база Калсо во Бабил“, се вели во соопштението и се додава дека во нападот немало загинати, ниту повредени.

На социјалните мрежи објавена е и видеоснимка наводно од местото на нападот.