САД: Две минути пред нападот во Кабул забележано дете

ВАШИНГТОН (АА) - Во истрагата на Американските воздушни сили е откриено дека американската војска на 29 август извршила напад во авганистанскиот град Кабул, иако две минути пред тоа видела дека на тоа подрачје се наоѓа дете, јавува Агенција Анадолија (АА).

Воздухопловните сили на САД ја завршија истрагата за воздушниот напад во Кабул на 29 август во кој загинаа 10 цивили, меѓу кои 7 деца.

Генерал-полковникот Сами Саид рече дека едно возило било следено осум часа пред нападот во кој загинаа 7 деца и тројца мажи.

Саид наведе дека бомбашкиот напад на влезот на Аеродромот „Хамид Карзаи“ го зголемил „стресот на донесување одлуки за нападот на 29 август, но било утврдено дека разузнавачките податоци биле погрешни“.

Саид рече дека нападот со дрон мора да се разгледа во контекст на моментот, бидејќи американските сили под стрес биле преплавени со информации за закани за војниците и цивилите на аеродромот во Кабул, само неколку дена по смртоносниот самоубиствен бомбашки напад.

Аеродромот беше полн со Авганистанци кои се обидоа да побегнат од земјата откако талибанците ја презедоа власта.

„Во истрагата“, рече Саид, „не се пронајдени елементи за кршење на кој било закон, вклучително и правото на војна.“

Според неговите зборови, детето било забележано две минути пред нападот.

Американскиот генерал напомена дека во овој процес е идентификувано само едно дете.