САД: Млад Aфроамериканец починал како последица на насилството на кое бил изложен

ТОПИКА

Млад Aфроамериканец, кој престојувал во воспитно-поправен дом во Канзас, САД, починал како последица на насилството на кое бил изложен, пренесува Агенција Анадолија (АА).

17 годишниот афроамериканец Седрик Лофтон, кој престојувал во воспитно-поправен дом во Седвик, Канзас, починал во болницата во која бил пренесен по тепачката со персоналот.

Во обдукцискиот извештај подготвен од страна на органите на судска медицина констатирано е дека тинејџерот е убиен.

Раководството на воспитно-поправен дом тврдеа дека Лофтон не претрпел повреди кои би можеле да бидат опасни по живот.

Во обдукцискиот извештај се наведува дека жртвата бил врзана со лисици и лежел на стомакот, потоа останал без здив и неговото срце престанало да работи.

Лофтон извесно време бил држен со лисици, откако настанале расправии со персоналот на воспитно-поправен дом на 24 септември.

Младиот човек поради ударите кои ги добил во тепачката бил пренесен во болница, а два дена подоцна починал.

Ендрју Строт, адвокат за човекови права што го застапува семејството Лофтон, изјави: „Семејството ги загуби синот и братот. Ова е трагична и смрт за која нема оправдување. Семејството ќе продолжи да бара одговорност за убиството, преземајќи ги сите правни мерки.“

Исто така наведено е дека персоналот, чиј идентитет не се открива, е испратен на платено административно отсуство.

Марк Бенет, окружниот обвинител во Седвик, изјави дека неговата канцеларија работи и со друго институции за да се истражи случајот и извештајот од обдукцијата.