САД одобрија продажба на воена опрема за Тајван во вредност од 428 милиони долари

ВАШИНГТОН (АА) - Министерството за надворешни работи на Соединетите Американски Држави (Стејт департмент) одобри продажба на воена опрема за Тајван во вредност од 428 милиони долари, пренесува Агенција Анадолија (АА).

Агенцијата за одбранбена безбедносна соработка на САД соопшти дека се одобрени две одделни продажби на воена опрема за Тајван, кој има тензични односи со Кина.

Во врска со тоа, до Конгресот на САД е испратено известување од Агенцијата.

Во известувањето се наведува дека е одобрена продажбата на воена опрема за Тајван, вклучително и резервни делови за вооружени системи и флота на авиони Ф-16 и Ц-130 во вредност од 428 милиони долари.

Исто така, се вели дека потенцијалната продажба им служи на американските економски, национални и безбедносни интереси и напорите на купувачот за одржување на одбранбените способности.