САД: Повеќе од 2.700 луѓе се евакуирани поради шумските пожари во Калифорнија

Повеќе од 2.700 луѓе се евакуирани поради шумските пожари во американската држава Калифорнија, јавува Анадолу.

Според Калифорнискиот оддел за шумарство и противпожарна заштита, продолжуваат напорите за ставање под контрола на пожарот „Кањон“, кој избувна вчера во подрачјето на Лос Анџелес и Вентура и зафати приближно 20 квадратни километри.

Покрај авиони и хеликоптери, повеќе од 400 пожарникари учествуваат во гаснењето на пожарот.

Официјални лица информираа дека повеќе од 2.700 луѓе се евакуирани поради брзото ширење на пламените јазици и дека 14.000 луѓе и 5.000 објекти се соочуваат со ризик од евакуација.

Пожарот Гифорд, кој избувна во Санта Барбара и Сан Луис Обиспо на 1 август, се прошири на простор од приближно 400 километри, а под контрола се ставени само 15 %.