САД: Шест убиства во Калифорнија можеби се дело на сериски убиец

СТОКТОН (АА) - Балистичките тестови ги поврзуваат убиствата на шест мажи со огнено оружје и ранувањето на една жена во Калифорнија, убиства кои потенцијално се дело на сериски убиец, јавува Агенција Анадолија (АА).

Се работи за злосторства извршени во рок од една година, соопшти полицијата.

Властите минатата недела објавија дека пет мажи во Стоктон биле убиени во последните месеци. Тие биле нападнати од заседа и убиени во темнината. Синоќа полицијата соопшти дека два дополнителни случаи минатата година - смртта на маж во Оукленд и пукањето на жена во Стоктон - биле поврзани со споменатите убиства.

„Дефинитивно ја исполнува дефиницијата за сериски убиец“, изјави полицискиот службеник во Стоктон Џозеф Силва.

Во Стоктон, ниту еден од мажите не бил ограбен или претепан пред убиствата, кои се случиле во периодот од 8 јули до 27 септември.

„Изгледа дека жртвите не се познавале“, изјави Силва.

Се чини дека случаите на убиства не се поврзани со банди или дрога.

Градот Стоктон, „Crime Stoppers“ на Стоктон (програма која им помага на луѓето да обезбедат анонимни информации за криминални активности) и сопственик на локалната градежна компанија понудија вкупно 95.000 американски долари за информации поврзани со овие убиства.