Саудискиот престолонаследник пристигна во Каиро, се сретна со египетскиот претседател

Саудискиот престолонаследник Мухамед бин Селман денес во Каиро се сретна со египетскиот претседател Абдел Фатах ел-Сиси за време на неговата посета на Египет во услови на ескалација на тензиите низ Блискиот Исток, пренесува Анадолу.

Денес Бин Селман пристигна во египетската престолнина и на меѓународниот аеродром во Каиро беше пречекан од Ел-Сиси, објави Саудиската прес-агенција (СПА).

Според египетското Претседателство, на разговорите се очекува да се разгледаат начините за зајакнување на односите меѓу Египет и Саудиска Арабија во различни области, како и да се разменат мислења за регионалните и меѓународните случувања.

Посетата се одвива во услови на брзи промени во регионот, вклучително и тензиите во Црвеното Море и Баб ел-Мандеб, како и случувањата во Јемен, Судан и Палестина.

Економската соработка, исто така, останува важна компонента на односите меѓу Каиро и Ријад, во услови на зголемување на трговијата, инвестициите и заедничките проекти меѓу двете земји.

Бин Селман последен пат го посети Каиро на 15 октомври 2024 година, кога со Ел-Сиси разговараше за билатералните односи, како и за регионални и меѓународни прашања.