Северна Кореја соопшти дека извршила тестирање на мотор за новата хиперсонична ракета со среден дострел

СЕУЛ (АА) - Севернокорејскиот лидер Ким Џонг-ун присуствуваше на тестирањето на моторот од новата хиперсонична ракета со среден дострел, пренесува Анадолу.

Севернокорејската централна новинска агенција (KCNA) објави дека новиот хиперсоничен ракетен мотор со среден дострел е тестиран во Сателитскиот центар Сохе на северот на земјата.

Ким Џонг-ун го надгледувал тестирањето на моторот со цврсто гориво, кое наводно било успешно.

Истиот извор известува дека севернокорејските власти ги тестираат моторите за подобрување на одбранбените способности.

Ким истакна дека оружјето, чиј мотор беше тестиран, е вредно како интерконтиненталните балистички ракети (ICBM) и дека тие ги заплашуваат нивните непријатели.

Според проценката на експерти, ракета со таков мотор би можела да стигне до територијата на САД на островот Гуам во Тихиот Океан.

Генералштабот на јужнокорејската Армија соопшти дека Северна Кореја на 18 декември лансирала три балистички ракети кон Јапонското Море и дека проектилите поминале на растојание од приближно 300 километри и паднале во морето.

Северна Кореја последен пат лансираше крстосувачка ракета „Падасури-6“ од нејзиниот источен брег на 14 февруари.