Силен земјотрес ја погоди Канада

ТОРОНТО (АА) - Земјотрес со јачина од 6,2 степени ја погоди Канада, јавува Агенција Анадолија (АА).

Канадскиот Центар за сеизмологија соопшти дека епицентарот на земјотресот бил во Порт Харди, 188 километри од Ванкувер.

Земјотресот е регистриран на длабочина од 10 километри, а се почувствувал и во соседен Ричмонд.

Настрадани нема, а не е издадено ниту предупредување за цунами.

Од понеделникот, во Тихиот Океан се евидентирани пет земјотреса со јачина помеѓу 4,8 и 6 степени.