Стапката на наталитет во Полска ќе продолжи да опаѓа и во наредните години

ИСТАНБУЛ (АА) – Стапката на наталитет во Полска продолжува да опаѓа со претходно непредвидено темпо, објави вчера државниот медиум ТВП Ворлд, пренесува Анадолу.

Според најновите податоци објавени од Централниот завод за статистика на Полска (ГУС), стапката на наталитет во земјата почнува со намалување неколку години порано од очекуваното.

Вкупниот број живородени во периодот од декември 2024 година до ноември 2025 година изнесува 238.700, што е првпат под 240.000, се наведува од Централниот завод за статистика на Полска.

Во својата прогноза за населението за период од 2023 до 2060 година Централниот завод за статистика (ГУС) предвиде годишниот број живородени да се намали до 236.800.

Заводот прогнозира дека населението на Полска ќе бележи пад од досегашното ниво од околу 37 милиони на приближно 36,6 милиони во 2030 година, 35,3 милиони во 2040 година и 32,5 милиони во 2060 година.