Трамп разговараше со саудискиот престолонаследник Бин Сeлман во Ријад

АНКАРА (АА) - Американскиот претседател Доналд Трамп разговараше со саудискиот престолонаследник Мухамед бин Селман по пристигнувањето во главниот град Ријад на почетокот на регионалната турнеја, пренесува Анадолу.

Саудиската телевизија Ал-Икбарија објави дека Трамп и Бин Селман разговарале на кралскиот терминал на меѓународниот аеродром „Крал Халид“ во Ријад.

Не се дадени никакви информации за содржината на нивните разговори.

Турнејата на Трамп на Блискиот Исток, негова прва откако ја презеде функцијата во јануари, вклучува и посети на Катар и Обединетите Арапски Емирати (ОАЕ).

За време на состанокот на кабинетот Бин Селман ја поздрави посетата на Трамп на кралството, велејќи дека таа ќе придонесе за зајакнување на соработката и стратегиските партнерства меѓу двете земји во различни области.

Аналитичарите велат дека преполната агенда на Трамп ќе опфати широк спектар на регионални и глобални прашања - од трговија, инвестиции и вештачка интелигенција до војната во Украина, безбедноста на Црвеното Море, Газа, Сирија и иранското нуклеарно прашање - при што се очекува координација на високо ниво меѓу САД и нивните клучни партнери од Заливот.