Турските авиони ги бомбардираат целите на терористите на ПЈД/ПКК во Африн

АЗАЗ (АА) - Вооружените сили на Турција (ТСК), во рамките на операцијата „ Маслинова гранка“ извршуваат воздушна операција на целите на терористичката организација ПЈД/ПКК во Африн, јавува Anadolu Agency (AA).

Како што известува новинар на АА кој се наоѓа на тоа подрачје, авионите на турските сили извршуваат напади на целите на ПЈД/ПКК.

До сега во воздушната операција се погодени најмалку шест цели, вклучувајќи го и ридот Бафилун.

Воени извори тврдат дека воздушната операција започнала во полноќ по локално време, додавајќи дека и понатаму трае.

Операцијата во Африн е започната во рамките на правото на Турција коешто е засновано на меѓународното право и на резолуциите на Обединетите нации (ОН), особено на оние што се однесуваат на борбата против тероризмот 1624 (2005), 2170 (2014) и 2178 (2014).

Турција се повикува и на член 51 од Договорот на ОН, односно на правото за самоодбрана. Операцијата се спроведува со почитување на територијалниот интегритет на Сирија.