Burç Eruygur
21 Декември 2022•Ажурирај: 22 Декември 2022
ИСТАНБУЛ (АА) - Во масовна гробница во јужната украинска област Херсон пронајдени се тела на седум цивили, соопшти денеска украинскиот министер за одбрана, пренесува Агенција Анадолија (АА).
„На 30 ноември, во селото Правдине (Херсонската Област), откриена е масовна гробница со повеќе закопани жртви… седум цивили, меѓу кои и една тинејџерка“, напиша Олекси Резников на Твитер.
Тој, исто така, посочи дека телата на над 500 цивили, меѓу кои и деца, биле откриени само во регионот на Харков, и нагласи дека операциите за пребарување сѐ уште траат.
Според податоците на ОН, сметано до понеделник, во Руско-украинската војна загинале 6.826 цивили, додека 10.769 се повредени.
