Украинската армија тврди дека убила над 43.000 руски војници од почетокот на војната

ИСТАНБУЛ (АА) - Украинската армија потврди дека убила над 43.000 руски војници од почетокот на војната во февруари оваа година и дека напаѓачките сили претрпеле најмногу жртви вчера во источниот регион на Доњецк, кој е разурнат од војната, пренесува Агенција Анадолија (АА).

Без детали за карактеристиките на жртвите во Доњецк, Генералштабот на Вооружените сили на Украина на Фејсбук објави дека речиси 43.200 руски војници биле убиени од почетокот на војната на 24 февруари.

Украинските сили уништија 233 руски авиони, 193 хеликоптери, 1.849 тенка, 4.108 оклопни возила, 778 беспилотни летала, 3.021 возило и резервоари за гориво и 15 воени бродови/чамци, според последните податоци објавени на платформата за социјални медиуми.

Се додава дека се уништени 975 артилериски системи, 261 систем за ракетни фрлачи, 136 системи за противвоздушна војна, како и друга специјална опрема.