Централ Парк прекриен во бело по снежната бура во Њујорк

ЊУЈОРК (АА) – Снежната бура што ја зафати американската сојузна држава Њујорк предизвика нарушувања во секојдневниот живот, при што Централ Парк и другите делови од градот се покриени со дебел слој снег, јавува Анадолу.

Централ Парк, едно од најпознатите обележја на Њујорк, кој зафаќа 843 хектари, е целосно покриен со снег, а зимската глетка ги привлекува љубителите на фотографијата и жителите за прошетки низ снежната идила.

Според властите, во синоќешната зимска бура имало најголеми снежни врнежи во јужниот дел на Њујорк, а повеќе од 15 сантиметри снег забележани се во делови на Јужен Џерси.