Чавушоглу: „Можно е повлекување на ЈПГ од Мунбич до крајот на летото“

АНКАРА (АА) - Министерот за надворешни работи на Турција, Мевлут Чавушоглу, денес изјави дека ратификувањето на однапред договорената мапа на патот за соработката за Мунбиџ, ќе биде на врвот на агендата на неговата посета на Вашингтон на 2 и 3 јуни, јавува Anadolu Agency (AA).

Зборувајќи во интервјуто за „A Haber“, Чавушоглу изјави: „Акцискиот план (за повлекувањето на ЈПГ) би можел да се спроведе до крајот на летото. Турските и американските војници заеднички ќе го надгледуваат повлекувањето.“

Тој изјави дека мапата на патот на Договорот се базира на конкретниот распоред и дека неговата имплементација ќе започне веднаш штом се завршат подготвителните активности.

Нагласувајќи ја важноста на Договорот меѓу Турција и САД, Чавушоглу рече дека бил со цел да се постигне стабилност на целиот североисточен дел на Сирија, бидејќи не е ограничен само на Мунбиџ.

По посетата на поранешниот американски државен секретар Рекс Тилерсон во Анкара во февруари, Турција и САД воспоставија механизам за решавање на одделни прашања во работните групи, вклучувајќи го и стабилизирањето на Мунбиџ и спречување на какви било непожелни судири.

Во врска со Договорот со САД за борбените авиони Ф-35, Чавушоглу изјави: „Турција досега ги има исполнето своите обврски. Ги реализиравме нашите исплати навреме, не само за овој договор со Ф-35. Тоа е сеопфатен и силен правен договор, кој вклучува дури и производство на делот за замена“.

Тој рече дека не постои причина САД да не ги испорачаат на Турција борбените авиони Ф-35, и додаде: „Ваков сериозен проект не може да биде откажан без нелогично размислување.“

Во случај испорачувањето на борбените авиони да биде одложено или откажано, Чавушоглу изјави дека Турција ќе истражува и други пазари.

„Во најлош случај, ќе се обидеме да ги купиме од другите земји или од другите сојузници, доколку е потребно. Турција нема да остане без решение или алтернатива“, вели тој.

Сепак, тој нагласи дека таквиот пристап на САД нема да биде соодветен, бидејќи двете земји се сојузници на НАТО.

Во 2014 година Турција издаде наредба за првите два авиона Ф-35 за проектираната флота од 100 авиони Ф-35А и планира авионите да ги распореди до 2019 година.

F-35 ќе ја замени старата флота на авиони Ф-4 и Ф-16. Првата испорака на F-35 во Турција е закажана за 21 јуни.

- Иран мора да ја поддржи борбата против ПКК -

Одговарајќи на прашањето за можната операција на планината Ќандил во северен Ирак, каде што се наоѓа седиштето на терористичката организација ПКК, Чавушоглу нагласи дека сите единици спроведуваат операции против терористичката организација колку што е потребно.

„Во борбата против ПКК, администрациите на Багдад, Ердбил, САД и Турција мора да се борат заедно“, додаде тој.

Одговарајќи на друго прашање, Чавушоглу го потврди значењето на поддршката на Иран и истакна дека некои од терористите на ПКК бегаат на иранската страна.

„Тука, Иран мора да биде на нашата страна во борбата против тероризмот. Бидејќи ПКК и PJAK се иста терористичка група“, вели тој.