Њујорк: Уапсено лице со канистри со бензин во катедралата „Свети Патрик“

ЊУЈОРК (АА) - Во катедралата „Свети Патрик“ во Њујорк е уапсено машко лице со канистри со бензин, шишиња со запалива течност и запалка, јавува Anadolu Agency (AA).

Инцидентот се случил синоќа на Менхетен.

Полициските официјални претставници соопштија дека 37-годишно лице од Њу Џерси влегло во 150 години старата катедрала и истурило бензин на подот и ѕидовите.

Чуварот ја повикал полицијата која со брза реакција го уапсила машкото лице, кое е обвинето за обид за предизвикување пожар.

Инцидентот се случи три дена по пожарот кој во голема мера ја уништи црквата „Нотр Дам“, катедралата која е симбол на Париз и Франција. Во тек е истрагата за причината на тој пожар.