„Турк хавајолари“ суспендира одредени меѓународни летови поради руско-украинската војна

АНКАРА (АА) - Турскиот национален авиопревозник „Турк хавајолари“ (Туркиш ерлајнс) суспендира некои меѓународни летови поради војната на Русија против Украина, пренесува Агенција Анадолија (АА).

„Летовите кон и од Украина, главниот град на Белорусија, Минск и руските градови Екатеринбург, Ростов и Сочи се суспендирани до крајот на август“, соопшти денеска авиокомпанијата преку Твитер.

Националниот авиопревозник сообраќаше на шест дестинации во Украина - Харков, Херсон, Киев, Лавов, Одеса и Запорожје.

Има директни летови од Истанбул до рускиот главен град Москва, Санкт Петерсбург и Казан, главниот град на руската република Татарстан.

Во војната на Русија во Украина, која започна на 24 февруари, според Обединетите нации (ОН) досега загинале околу 4.900 цивили.

Над 15 милиони луѓе ги напуштија своите домови, од кои над 8,4 милиони пребегаа во други земји, според бројките на ОН.