Ердоган ја критикуваше неактивноста на западните бранители на човековите права во случајот со мајките од Дијарбакир

АНКАРА (АА) - Претседателот на Туркије, Реџеп Таип Ердоган, го критикуваше и го осуди неуспехот на западните бранители на човековите права да сторат што било за да им се помогне на групата мајки кои протестираат во Диајрбакир и бараат враќање на своите деца кои им ги киднапираше терористичката организација ПКК, известува Агенција Анадолија (АА).

„Каде се тие западни бранители на човековите права? Дали некогаш дошле и ги посетиле мајките во Дијарбакир? Тие немаат никаква врска со застапувањето на човековите права“, рече Ердоган во своето обраќање на церемонијата на отворањето на новоизградените објекти во градот Дијарбакир, сместен во југоисточниот дел на Туркије.

Семејствата чии деца се киднапирани или присилно регрутирани во ПКК, од 3 септември 2019 година протестираат пред канцеларијата на Народната демократска партија (ХДП) во Дијарбакир, партија за која турската власт вели дека е поврзана со терористичката група ПКК и партија што се соочува со процес на затворање на највисокиот суд во Туркије.

Демонстрациите оттогаш се проширија и во другите турски области, вклучувајќи ги Ван, Муш, Ширнак и Хаќкари.

Во својата над 35-годишна терористичка кампања против Турција, ПКК, којашто се наоѓа на листата на терористички организации на Турција, САД и Европската Унија, одговорна е за смртта на најмалку 40.000 луѓе, вклучувајќи деца и жени.

Претседателот Ердоган во повеќе наврати и претходно го критикуваше неуспехот на западните земји да покажат солидарност наспроти терористичките напади на ПКК, вклучувајќи и овозможување на терористите на ПКК да живеат и одржуваат протести на европското тло. Тој особено ги критикува САД поради поддршката на ЈПГ, која претставува огранок на ПКК во Сирија.