Парискиот климатски договор ќе стапи на сила во Турција наредната недела

АНКАРА (АА) - Парискиот климатски договор, кој Парламентот на Турција го ратификува во октомври, ќе стапи на сила наредната недела, според декретот потпишан од турскиот претседател Реџеп Таип Ердоган, пренесува Агенција Анадолија (АА).

Датумот на стапување во сила на договорот беше одреден да биде на 10 ноември 2021 година, според претседателскиот декрет објавен денеска во Службен весник.

Според тоа, Турција ќе ја усвои целта за нето-нула емисии на јаглерод до 2053 година.

Сите политички партии во турскиот Парламент во октомври гласаа за спроведување на договорот.

На 12 декември 2015 година, страните на Рамковната конвенција на ОН за климатски промени на Конференцијата на ОН за климатски промени (COP21) во Париз постигнаа договор за борба против климатските промени и постигнување одржлива иднина со ниска содржина на јаглерод.

Парискиот договор, дефиниран како „мост меѓу денешните политики и климатската неутралност пред крајот на 21 век“, се обидува да го зајакне глобалниот одговор на заканата од климатските промени со запирање на глобалните просечни температури да се покачат за повеќе од 2 степени Целзиусови над прединдустриските нивоа во текот на следниот век и да се продолжат напорите да се ограничи зголемувањето на температурата уште повеќе, ако е можно на 1,5 степени Целзиусови.