Претседателот на Туркије, Ердоган, го прими премиерот на Северна Македонија, Мицкоски

ИСТАНБУЛ (АА) - Претседателот на Туркије, Реџеп Таип Ердоган, го прими премиерот на Северна Македонија, Христијан Мицкоски, известува Анадолу.

На приемот, кој се одржа зад затворени врати во палатата Долмабахче, во Истанбул, присуствуваа и министерот за надворешни работи на Туркије, Хакан Фидан, министерот за животна средина, урбанизација и климатски промени Мурат Курум, директорот за комуникации на турското Претседателство, Фахретин Алтун, и главниот советник на претседателот за надворешна политика и безбедност, амбасадорот Акиф Чагатај Килич.

Се очекува двајцата лидери да присуствуваат на работна вечера по средбата, а потоа да потпишат заедничка политичка декларација и да одржат заедничка прес-конференција.