Турските сили неутрализираа 6 терористи на ПКК/ЈПГ во северна Сирија

АНКАРА (АА) - Турските сили неутрализираа шестмина терористи на ПКК/ЈПГ во северна Сирија, соопшти денеска Министерството за национална одбрана, јавува Агенција Анадолија (АА).

„Терористите беа цел на антитерористичка операција во турската зона „Штитот на Еуфрат““, соопшти Министерството на Твитер.

Од 2016 година, Анкара започна три успешни антитерористички операции преку својата граница во северна Сирија за да спречи формирање терористички коридор и да овозможи мирно враќање на жителите: „Штитот на Еуфрат“ (2016), „Маслинова гранка“ (2018) и „Извор на мирот“ (2019).

Во својата над 35-годишна терористичка кампања против Туркије, ПКК, која е ставена на листата терористички организации од страна на Туркије, САД, Велика Британија и ЕУ, одговорна е за смртта на над 40.000 луѓе, меѓу кои и жени, деца и доенчиња. ЈПГ е сириски огранок на терористичката ПКК.