Dhjetëra kolonë hebrej bastisin xhaminë Al-Aksa

Dhjetëra kolonë hebrej me forcë hynë në kompleksin e xhamisë Al-Aksa të Kudsit, transmeton Anadolu Agency (AA).

Sipas Vakëfit Islam, "124 kolonë vërshuan xhaminë të enjten në mëngjes".

Kolonët hynë përmes portës al-Mugharbah, të mbrojtur nga policia izraelite.

Izraeli pushtoi Kudsin Lindor, ku dhe ndodhet Al-Aksa, gjatë Luftës Arabo-Izraelite të vitit 1967.

Në një veprim që nuk u njoh kurrë nga komuniteti ndërkombëtar, Izraeli aneksoi të gjithë qytetin në vitin 1980, duke e pretenduar atë si kryeqytet "të përjetshëm dhe të pandarë" të shtetit hebre.